Зөрөөд өнгөрөх нэгний зүрхийг зүсэхээр би сайхан бүсгүй
Зөнгөөрөө одсон нэгэнд нь би эргэж олдохооргүй сайхан бүсгүй
Харц унагасан хэнд ч хэзээ ч халдашүй би сайхан бүсгүй
Хайрын дуу аялмаар энхрий туяхан би сайхан бүсгүй
Тиймээ би сайхан бүсгүй
Өөрийн дурласан нэгэндээ үргэлж санагдахааргүй би нууцлаг бүсгүй
Өнгөт орчлонгийн тавиланг эдэлж чадашгүй би ядуу бүсгүй
Хүсэл мөрөөдлөө би хорьж тэвчдэг шаналантай бүсгүй
Хүний амьдралд жаргал хүсдэг би өгөөмөр бүсгүй
Тиймээ би нууцлаг бүсгүй
Хүний эрхээр жаргахыг хүсдэггүй би эрх чөлөөт бүсгүй
Хүнлэг энэрэнгүй дүр төрхөөрөө уяруулан хайлуулах шидтэй бүсгүй
Инээд хөөр, баяр баясланг хаана ч цацраах жаргалтай бүсгүй
Ихэмсэг, эрхэмсэг, өөрийнхөөрөө би галзуу бүсгүй
Тиймээ би адтай бүсгүй
No comments:
Post a Comment