Зүгээр л би

Зүгээр л би зүү утастай нөхөрлөсөн уран гартай бүсгүй байхыг хүсдэг
Зүгээр л би хүүдээ зөв бурууг нь ялгаж ойлгуулдаг ухаалаг ээж байхыг хүсдэг
 Зүгээр л би эмээгийн эрх охин хэвээрээ энэ насандаа амьдрахыг хүсдэг
Зүгээр л би ээжийнхээ бахархал болж энэ нэрээ хайрлахыг хүсдэг
Зүгээр л би аавыгаа санахдаа огшиж булиглахыг хүсдэг
 Зүгээр л би аливаа зүйлд аав шигээ цайлган ээж шигээ ухаалаг хандахыг хүсдэг
 Зүгээр л би хонгор жаахан дүү нартаа үлгэрлэж байхыг хүсдэг
Зүгээр л би амьд бүхнийг хайрлахыг хүсдэг
Зүгээр л би аливаа хуурмаг бүхнээс хол байхыг хүсдэг
 Зүгээр л би хүн гэдгээ мэдэрч амар амгалан байхыг хүсдэг
 Зүгээр л би хүсэл мөрөөдлөөрөө жигүүрлэн дүүлэхийг хүсдэг
Зүгээр л би энгийн нэгэн амьдарлаар амьдрахыг хүсдэг
Зүгээр л би энэ л биеэрээ энэ нэрээрээ энэ орчлонд илүү удаан амьдрахыг хүсдэг
Зүгээр л би ...

Сүүлчийн шүлэг

Би нь ер нь шүлгэнд их дуртай л даа энд тэндээс гоё шүлэг олдвол блогтоо тавиад л өөрөө ямар зохиож чадах биш уг нь зохиосон хүмүүсийнх нь нэр устай нь тавих санаатай даан ч зарим дээр нь байхгүйн

Сайндаа л хэдхэн шөнө нойргүй хонох байлгүй

Сарыг өвөртөлж өвдгөө тэврээд

Санаашран суухдаа нэрийг чинь дуудсаар

Сарних л байлгүй миний дурлал

Хөөрхөн хүүхэн үнэнч биш гэх юм

Хөнжил нимгэн гуниг зузаан шөнөөр

Хөрвөөж хонохдоо худлааг нь мэдлээ

Хөнгөн явдалтай гэвэл сарыг л хэлээрэй, би л лав биш шүү

Хөөргөн зантай гэвэл нарыг л хэлээрэй, би л лав биш шүү

Дуулах дуртай гэвэл хуур ятгыг хэлээрэй, би л лав биш шүү

Дурлалдаа үнэнч гэвэл намайг хэлээрэй, тэр чинь ганцхан би юм шү

Дэлгэр залуу насыг тань
Хайрлаж явдагтаа сөгдье
Дэндүү гэнэн харцаа
Унагаж явдагтаа сөгдье
Үес аясхан бороон дор
Үгүйлж явдагтаа сөгдье
Үүр шөнийн заагаар
Зүүдэлж сэрдэгтээ сөгдье
Танихгүй юм шиг өнгөрдөгтөө
Нүднээс чинь далд сөгдье
Даанч ажиггүй явдагтаа
Хүнээс нууж сөгдье
Униарт хавраар учрахгүйдээ
Хайраа нууж сөгдье
Удаан битгий зовоогооч гэж
Бурхан тэнгэртээ сөгдье

Ичинхорлоо

Эрдэнэт хүний төрөл

Хүн болж төрөх гэдэг агуу их хувь тавьлан . Хүн болох аз нь зүүний үзүүр дээрээс шуудай будаа асгахад зүүний үзүүр дээр будаа тогтвол тэр хүн болох хувь зохиол хэмээн зүйрлэж ярьдаг. Үнэхээр ч гайхалтай.

Энийг сонсоод үзээрэй манайхан

Итгэл хамба

Оросын буддын шашны Бандит Хамба лам Дашдоржийн Итгэл буюу /Itgelov, Itgel/ амид сэрүүн ахуйдаа 75 жил насалж тэнгэрт хальсан бөгөөд 1927 онд насан эцэслэхийхээ өмнө шавь нартаа гэрээслэн үлдээхдээ "Намайг тодохрой хугацааны дараа гаргаж үзээрээ... хэрэв миний бие хэвээр ахул нирваан дүрийг олсон хэмээн итгээрэй" гэж захиж үлдээсэн байна. Шавь нар нь хэлсэн ёсоор 50 аад онд мөн 70 хэдэн онд гаргаж үзээд түүний бие хэвээр оршин байгааг мэдэж 2002 онд гаргаж хамбийн сүмдээ дахин олон түмэнд ил гаргажээ. Ийнхүү 150 жил өөрийн биеийг хэвээрбайлгаж байгаа Хамба ламын гоц үзэгдэл түүний шашин болоод шинжлэх ухаан хэрхэн тайлбарлаж байгааг хүргэж байна.Энэхүү хэвтрүүлгийг сэтгүүлч Б.Сарантуяа Монголын Психотроникийн хүрээлэн болон эзотерик судлаач Төмөртогоо нарын захиалгаар бэлтгэсэн болно. 2007 он