Хайрлах сэтгэлээс минь ниссэн цагаан шувуу
Хаа хүрэхээр дүүлэн дүүлэн ниснэ вэ
Хонгор зүрхний минь мөнгөн утсыг хөндөөд
Халуун харцаараа намайг юунд төөнөнө вэ
Чимээ чагнасан шөнүүдийг бодохлоор
Чинийхээ дэргэдээс буцмааргүй байна
Чийгтэй сормуус хатаагүй болохоор
Чинийхээ дэргэдээс холдмооргүй байна
Цэцэгт номин сэтгэлээс уйдан холдоод
Цэнхэрхэн бодлын дэргэдээс юунд холдоно вэ
Цээжний гүнд хөнгөн гуниг хураад
Золтой насандаа уйтгар юунд тээнэ вэ
Чимээ чагнасан шөнүүдийг бодохлоор
Чинийхээ дэргэдээс буцмааргүй байна
Чийгтэй сормуус хатаагүй болохоор
Чинийхээ дэргэдээс холдмооргүй байна
Үргэлж холдоогүй бодлоос минь холдоод
Үүрээ эвдээд хаа хүрэхийг хүсээд ниснэ вэ
Үйлээ дагаад ирдэг тавилан гээд
Үнэндээ намайг мартаж яаж чадна вэ
Чимээ чагнасан шөнүүдийг бодохлоор
Чинийхээ дэргэдээс буцмааргүй байна
Чийгтэй сормуус хатаагүй болохоор
Чинийхээ дэргэдээс холдмооргүй байна
No comments:
Post a Comment