Хөгшин хатагтайгаас нэгэн удаа нас дээр гарсан ч хэрхэн гоо сайхнаа алдалгүй үзэсгэлэнтэй сайхан хэвээрээ байж, үргэлж дотроосоо гэрэлтэж байдаг нууцыг асуужээ.
Тэрээр ийнхүү хариулав.
Би уруулаа худал хуурмаг хов живэнд бус, харин сайн сайхан үнэн ярианд зориулдаг.
Дуу хоолойгоо хэрүүл маргаан, хэрэггүй хэлцэлд бус харин бусдад урам зориг өгөх, ухаарал хайрлаж, тэдэнтэй ярилцахад зориулдаг.
Чихээ хэн нэгний худал үг, аймагтай хэрэг, үйл явдалд бус харин уйтгарласан нэгний үгийг сонсож, ухаантай нэгний үгэнд дурлахад зориулдаг.
Гараа зүгээр л зурагтын удирдлага солих эсвэл зугаа цэнгэлд бус хэн нэгэнд тусалж, буян үйлдэхэд зориулдаг.
Зүрх, сэтгэлээ үзэн ядалт, өшөө хорсол, эд баялагийн шуналд бус харин бусдыг хайрлах, энэрэх, тэдэнд туслахад зориулдаг.
Надад дургүй нэгнийг ч би хайрладаг учраас дотроосоо гэрэлтэж, хэдий хөгширсөн ч гоо сайхан төрхөө алдаагүй байгаа юм гэж хариулжээ.
Хүн бүхэн дотроосоо гэрэлтэх болтугай!
Эх сурвалж: Info сэтгүүлээс
No comments:
Post a Comment