Зөрүүд бүсгүй

Тийм би зөрүүд бүсгүй

Танхил аашинд минь автаж

Торомгор нүдэнд минь дурлаж

Тавьж яасан ч чадахгүй гэчихээд

Тэгээд намайг орхиод явбал

Эргэж би харахгүй

Эрхэлж чамд тунихгүй

Энэ хорвоод хөл алдахгүй

Эгэл биш зөрүүд бүсгүй

Тийм би зэрлэг цэцэг

Тэжээмэл бяцхан тоть шиг

Тасалж авчраад усалж ургуулдаг

Тасалгааны цэцэг би биш

Эгц өндөр хаданд ургаж

Эрх дураараа дэлбээлж байдаг

Элбэг биш зөрүүд цэцэг

Хэрвээ намайг хөтөлж чадвал

Хамтдаа бүхэнд урагшлах болбол

Хамгаас тод өнгө ялгарах

Хайрын бундан зүрх чинь

Хатан зоригийн ир чинь

Тийм би зөрүүд бүсгүй

Танхил хэдий ч хүчтэй бүсгүй

Тоолж баршгүй оддын дунд

Тод гэрэлтэх солирын од

Тийм би зөрүүд бүсгүй

Линзи